مـــزايـا بنــــات الاردن‏

من طرف ريما الجمعة يوليو 04, 2008 10:18 am

1. هي وماما مـــزايـا بنــــات الاردن‏
زي الصاحبات ، دايماً بتحكيلها كل إشي

2. كلهم شقر وعينيهم‏ ‏ملونة يخزي العين . تقول هاي رجعتهم من السويد . بتسألها هدول لينسيز؟ .. بتحكيلك شوو لينسيز ،هدول عيوني الحئيئيين

3. كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

4. لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم .

5.الشاطرة اللي بدها تقهر صاحباتها...بترن عل 1234 وبتنزل عرط و تخويت
وعلى آآ حبيبي .. وشو يا حياتي
i miss u يا عمري ..
. baby وبشوفك يا ..

6. كلهم أخدوا رخصة السواقة بالواسطة ....و أكيد كل هاد واضح من البريكات والخبط أو السرعة اللي ما بتتطلع عن 20 , أو حزام الأمان اللي بروح ما ينمزع‏ ‏قد ماهو مشدود

7. بالجامعة بتطلب ساندويش لبنه - دايماً لبنه ، وإذا بدها تغير بتطلب منئوشة زعتر ، والكولا دايت طبعا ... بس ترجع على البيت بتقوم بصدر المنسف لحالها ... والله ,بوكلونا على جوع !

8. إذا حاولت تمسك إيدها بعد شهرين صحبة ، بتسلخك كف بتعمي ضوك ، ومش بعيد تبزق عليك قدام كل الجامعة ... بس إذا لقيتها 'صدفة' بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
!! وروووح للصبح رقص سلوو ... على أساس فريندز طبعا

9. بابا بحبها أكتر وحدة بين إخوانها .... وبابا بوخد رأيها بكل إشي

10. أكره إشي عليهم يشوفوك بتحضر مباراة ، بمعنى آخر أكتر إشي بكرهو هو كرة القدم
إلا إذا كانت المباراة فيها إيطاليا أو إنجلترا بتلاقيهم قعدوا وبسطوا ببصبصوا على إجرين مالديني و بيكهام

بهاي معهم حق ، يعني بصراحة مالديني منظر و حسونة الشيخ منظر

11. مريحين بالهم و تنحصر اهتماماتهم في المواضيع التالية

روجيم: لازم أنزل كمان خمسين كيلو

حومرة وبودرة: نزلوا حومرة جديدة بطعم الكيوي ، أوولتك أسشور شعري ولا أعمله كيرلي ,

الأكل: ماما طبخت جاجة محشية تفاح , و ما بتغدوا غير ستيك مشوي ،و ما بشربوا غير مي .

الفن: ما أزكاه براد بيت , رايان شعره بجنن, شفتي أصالة ما أزنخها ,
مش ألتلك انه بشار بحب سلمى, شفتي صندل نانسي,
أحمد الشريف أحلى واحد بالعالم !, لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا!!!

12. كلهم ما بدخنوا ... بس بابا سمحلهم يأرجلوا عادي

13. عندهم حالة تشابه غريبة ، إذا وحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ، إذا وحده صبغت شعرها أخضر تاني يوم بتنزلك موضة الأخضر

14.مواصفات حبيب القلب
فايع و شعره طويل , معه سيارة حلوة ,موبايله آخر موديل, بعزمها كل يوم ع كوفي شوب , وإذا بشبه توم كروز بكون ممتاز

15. بتكون أطفش من حكيها مافي .. وكلو قال و غاد و انداري و بديش و قرفانة
.. وبالجامعة بتقلب على آآل و هوناك و مو عارفة و كتيير زهئانة و ثانك يو

16. دايماً شنتتهم مليانة أشياء زاكية ، إذا جعت بتلاقي معهم السيفوي بالشنتة
شبس ،شوكلاتة ،بسكوت, دروبس ،علكة,سوس

ــــــــــــــــــــــــــــــــــــــــــــــــــــــــــــــــــــــــــــــــــــ

مفاهيم ربما تكون صعبة عليكم:-
عرط : كذب
تخويث : مزح
تسلخك : تضربك
فايع : شاقق الدنيا بصدره ومش هامه حدا
اطفش : ادفش,اثقل
غاد : هناك
انداري : لا اعرف